LAJME-INFORMATA-KOMENTE

><>< SHQIPËRIA SOT >< VETEVENDOSJE.ORG ><><
><><PASHTRIKU.ORG><HASANPRISHTINA.COM><><

><LAJMET.COM><R-T-K><Q-I-K><24-ORË><ALSAT><
><ZËRI I POPULLIT><KOSOVAPRES><KOSOVALIVE><
><DEUTSCHE WELLE><ZËRI-AMERIKËS><BBC-SHQIP><
><BALKANWEB><EVROPA E LIRË><GJYKATA HAGËS><

KOMITETI I PAJTIMIT MBARKOMBËTAR


Adresa: Rr. "M. Muça" Pall. 46 Ap. 23 Tiranë- Shqipëri , Fax 00355 4 2 263 126. / 2 238 033Tel 00355 4 2 259 124 Mobil: 00 355 68 27 37 989 E-mail: gjin_marku@yahoo.com Web: ww.pajtimi.comNr 3/4 protTiranë më 30 prill 2004 K Ë R K E S ËMbi hetimin e krimeve ndaj popullsisë nëpërmjet krijimit të terreneve për vrasje masive dhe projekteve të rrezikshme për jetën dhe mjedisin si dhe ndalimin e lidhjeve të mafies ndërkombëtare me lidershipin politik dhe përfaqësues të trupitdiplomatik në Shqipëri Drejtuar: Kuvendit të Shqipërisë- Presidentit të Republikës së Shqipërisë dhe Këshillit të Sigurisë Kombëtare. - Prokurorit të Përgjithshem të Republikës së Shqipërisë.- Gjykatës Kushtetuese të Republikës së Shqipërisë.- Komisionit Europian. - Përfaqësuesve të trupit dipllomatik dhe organizatave ndërkombëtare. Për dosjen me nr. ref: OTP-CR-134/07 –në GjykatënNdërkombëtare të Krimeve – Zyra e Prokurorit HAGË. I nderuar z. President i Republikës dhe Kryetar i Këshillit të Sigurisë Kombëtare. E nderuar zonja Prokurore e Përgjithshme e Republikës së Shqipërisë. Të nderuar anëtarë të Gjykatës Kushtetuese. Shkëlqesia Juaj. Në një kohë kur Komuniteti Ndërkombëtar është i interesuar për të përshpejtuar anëtarsimin e Shqipërisë në Aleancën e Atlantikut Verior e Bashkimin Europian, operatorë të mafies ndërkombëtare e kanë kthyer territorin e këtij vendi në terrene private të veprimtarisë së errët e kriminale, jashtëzakonisht të rrezikshme për popullsinë shqiptare. Ngjarja e dt.15 mars 2008 në afërsi të kryeqytetit shqiptar, ku mbetën të vrarë 26 vetë (mes të cilëve gra e fëmijë), mbi 300 të plagosur dhe mijëra shtëpi të rrënuara nga shpërthimi i municioneve të grumbulluara për tregëti të fshehtë, përbën vetëm njërin prej rasteve tragjike të veprimtarisë së kësaj mafie dhe të rreziqeve që i kanosen jetës së shqiptarëve. Nisur nga këto shqetësime, një vit më parë, më dt. 14 prill 2007, Komiteti i Pajtimit Mbarkombëtar iu drejtua Gjykatës Europiane për të Drejtat e Njeriut dhe Gjykatës Ndërkombëtare të Krimeve në Hagë. Në këtë dokument theksonim se operatorët e kësaj mafie të lidhur me lobet antishqiptare vazhdojnë të kryejnë veprimtari të dukshme kriminale kundër popullsisë e integritetit kombëtar të këtij vendi siç inskenuan edhe trazirat e vitit 1997 për rrëmbimin e parave të popullit e nxitjen e qytetarëve në luftë civile ku mbetën të vrarë rreth 1500 vetë: shih - “Memo, Nr.001/4 prot; - Tiranë më 14 prill 2007: - Mbi shkeljet flagrante të të drejtave të njeriut dhe veprimet kundër integritetit kombëtar të shqiptarëve, nevojën e gjykimit të krimeve ndaj popullsisë në ngjarjet e vitit 1997 e domosdoshmërinë e masave për parandalimin e krimit të vrasjeve. –Ref: OTP-CR-134/07 –International Criminal Court –The office of the Presecutor – HAGUE. Ky dokument, i mbështetur në Deklaratën e Përgjithshme të OKB-së për të Drejtat e Njeriut, Konventën Europiane për Mbrojtjen e të Drejtave dhe Lirive Elementare si dhe Paktin Ndërkombëtar për të Drejtat Civile dhe Politike, iu bë prezent të gjitha organizmave ndërkombëtare, përfaqësuesve të trupit dipllomatik në Tiranë, parlamentit dhe institucioneve kryesore të shtetit shqiptar të cilat, fatkeqësisht, nuk reaguan. Ndërsa Gjykata Europiane po u jep të drejtë të gjithë qytetarëve shqiptarë në lidhje me çështjet që kemi trajtuar dhe Prokuroria e Hagës i është përgjigjur kërkesës sonë, institucionet e shtetit Shqiptar dhe lidershipi i partive politike e kanë thelluar bashkëpunimin me operatorët e kësaj mafie çnjerëzore, jo vetëm të tregëtisë së fshehtë të armëve, por edhe bizneseve të tjera të rrezikshme për jetën e mjedisin. Pasojë e këtij mosreagimi dhe bashkëpunimi me mafien është edhe ngjarja tragjike e datës 15 Mars. Për mënyrën se si po trajtohet ky krim nga qeveria dhe udhëheqësit kryesor të politkës, duke u përpjekur për ta minimizuar atë dhe ushtruar presion mbi organin e akuzës, e shohim të domosdoshme t'ju drejtohemi përsëri për të dënuar këto krime, për të parandaluar vrasje të tjera masive në terrenet e përgatitura përgjatë këtyre viteve dhe frenuar rrënimin e mëtejshëm të jetës së shqiptarëve. Qeveria shqiptare në këtë rast është përfshirë direkt në një aferë të fshehtë armësh me pasojë vrasjen masive dhe, si në shume raste të tjera, ka bashkrenduar veprimtarinë e saj me mafien ndërkombëtare në afera biznesesh që kanë shkaktuar e do shkaktojnë krime shumë të rënda kundër jetës së popullit e mjedisit. Dëshmitë tregojnë se prej vitesh vendime të Këshillit të Ministrave si dhe ligje e amendime ligjesh të kaluara me urgjencë me votat e shumicës në parlament kanë favorizuar aktivitetet dhe strategjinë kriminale të kësaj mafie. Edhe pas ngjarjes qeveria nuk u deklarua mbi rrezikun që i kanoset popullsisë mbas këtij shpërthimi. Instituti i Shëndetit Publik ka paralajmëruar se zona do jetë e infektuar për 20 vitet e ardhëshme e përbën rrezik për jetën e qytetarëve. Vite më parë, mediat kanë paralajmëruar se porti i Durrësit, pranë të cilit ishin grumbulluar këto municione, është pikë kalimi e lëndëve radioaktive për tegun ndërkombëtar. Shërbimet informative janë sinjalizuar prej kohësh se në hapësirën shqiptare të detit Adriatik qëndrojnë anije të dyshimta që merren me tregëti armësh dhe shkarkojnë në det mbeturina lëndësh me rrezikshmëri të lartë radioaktiviteti. Po kështu, në brigjet shqiptare të detit Adriatik e Jon gjenden mina nënujore ose predha të kalibreve të ndryshme që shpesh herë nxirren nga polumbarët në sipërfaqe, një pjesë e të cilave dëshmohet se janë hedhur mbas ngjarjeve të vitit 1997. Meqenëse vendet e Bashkimit Europian kanë kërkuar ndalimin e bizneseve që kanë rrezikshmëri të lartë për jetën e mjedisin, kjo mafie ka ndërmjetësuar që ato të transferohen në territorin shqiptar dhe të vendosen kryesisht në bregdet për lehtësi e përfitime. Qeveria shqiptare në marrëveshje dhe me opozitën po inicojnë ligje e vendime qeverie që i mbështesin këto biznese çnjerëzore. Ndërsa qeveria ushtron dhunë dhe burgos operatorët e shoqërisë civile që shprehen kundër, opozita hesht dhe i bojkoton protestat. Edhe pse prej vitesh në zonat e ndotjes së lartë është shfaqur fenomeni i lindjes së kafshëve dhe fëmijëve të deformuar biologjikisht, qeveria shqiptare dhe organizatat ndërkombëtare në Tiranë kanë heshtur. I vetmi organizëm që ka ngritur shqetësimin mbi përhapjen masive të sëmundjeve kanceroze tek shqiptarët është OKB-ja. Projektet e transferimit të dhjetra mijë ton plehrave në ditë nga Italia për në Shqipëri, apo të ngritjes së TEC-eve të të gjitha llojeve të ndotjes në brigjet e Vlorës e zona të tjera bregdetare, janë akte flagrante të lidhjeve të kësaj mafie me lidershipin e të dy krahëve të politikës shqiptare. Edhe projekti AMBO (i cili trumbetohet si projekt i interesave amerikane) është përgatitur për të shkarkuar 40 milion ton naftë në vit në gjirin e Vlorës me një investim rreth 1 miliard dollarë, në një kohë kur, vetëm për mbrojtjen e sistemit ekologjik, përfituesit duhet të paguajnë jo më pak se 20 miliard dollarë, shumë të cilën ata e fitojnë brenda 3-4 vitesh nga ky aktivitet. Po kështu, marrëveshjet për ngritjen e gjigandëve të prodhimit të çimentos në territoret shqiptare si në Elbasan, Fushë Krujë, Balldre etj, përbëjnë një rrezik tjetër shumë të madh për jetën e qytetarëve dhe mjedisin. Qeveria i propagandon si sukses këto investime të huaja duke marrë pjesë në inagurimin e tyre vetë kryeministri. Ndikimi i ndotjes mbi mjedisin do jetë katastrofik nga Balldreni deri në kodrat e Durrësit, ndërsa si investim llogaritet vetëm kostoja e fabrikave. Kompromisi midis dy partive kryesore po shkon edhe drejt ngritjes së termocentraleve bërthamore të ndaluara në vendet e tjera. Propozimet nga vendet mike mbi përdorimin e burimeve ujore dhe erës për prodhimin e energjisë elektrike vazhdojnë të shmangen pikërisht nga influenca e operatorëve të kësaj mafie mbi politikën. Gjatë gjithë këtyre viteve kjo mafie ka kërkuar shmangien e rehabilitimit të hidrocentraleve e mosplanifikimin e veprave të reja hidroenergjitike që do ishin një investim shumë i madh edhe për turizmin e ekologjinë. Digat e amortizuara të hidrocentraleve të Komanit e Vaut të Dejës në çdo periudhë reshjesh të mëdha rrezikojnë shpërthimin dhe zhdukjen e rreth 200 mijë qytetarëve të zonës së nën-Shkodrës, Zadrimës e qytetit të Lezhës. Përveç rreziqeve të mësipërme ka shumë terrene të tjera që rrezikojnë në çdo çast vrasjen masive të qytetarëve. Për lehtësi veprimi e përfitimi maksimal, janë vendosur në qytetet bregdetare depozita mijra tonëshe me naftë e lëndë të tjera të rrezikshme për popullsinë, pa asnjë masë mbrojtëse për jetën e qytetarëve. Po kështu qindra pika furnizimi me karburante gjenden rrëzë pallateve të banimit në shumë qytete të vendit. 70 000 familje në qytete rrezikohen nga prekja e themeleve dhe prishja e strukturës bazë të pallateve për hapje dyqanesh. Në hapësirat informale vihet në rrezik jeta e shumicës së familjeve për shkak të pamundësisë së ndërhyrjes së zjarrfikseve. Edhe pallatet e ndërtuara me miratimin e bashkive nuk kanë të projektuar asnjë element sigurie për daljen e qytetarëve në raste zjarri. Përfshirja e politikanëve të partive kryesore në veprimtarinë e kësaj mafie ndërkombëtare ka planifikuar vazhdimisht zgjatjen e krizës e moslejimin e zhvillimit të ekonomisë vendase me qëllim që operatorët e kësaj mafie të marrin sa më lirë tokën dhe burimet e pasurive. Burimet nëntokësore shqiptare, që përbëjnë një pasuri të jashtzakonshme mineralesh, u janë dorëzuar thuajse falas kompanive të huaja anonime. Mania e tyre për përfitime maksimale po shfrytëzon në mënyrë ç'njerëzore punëtorët e galerive pa asnjë masë sigurie për jetën. Edhe pse qeveria është përballur çdo vit me tragjeditë në miniera, nuk ka marrë asnjë masë për ndalimin e vrasjeve të punëtorëve të nëntokës, apo rehabilitimin e familjeve të viktimave. Nën interesin e lobeve antishqiptare e operatorëve të kësaj mafie për të zhvilluar kaosin është penguar për gjatë 20 vjetëve miratimi i planimetrisë urbane. Po kështu po veprohet me ligjin për legalizimin e ndërtimeve pa leje që pengon jo vetëm të ardhmen e zhvillimit urban por edhe jetën normale të qytetarëve e i mashtron si pronarët edhe pëfituesit për interesa elektorale. Me qëllim moskthimin e pronave e uzurpimin e tyre u krijua që në fillim të pluralizmit, me konsensusin e dy partive të mëdha, ligji 7501 mbi tokën që ka sjellë aq shumë hasmëri e vrasje dhe ka lënë djerr gjithë Shqipërinë. Fatkeqësisht, deputetët nuk e kuptojnë se shumica e vendimeve të qeverive dhe ligjeve të parlamentit shqiptar, që ata i kanë votuar me duart e tyre, janë mbështetja kryesore e strategjisë së kësaj mafie që kërkon ta tjetërsojë territorin shqiptar sipas interesave të saj afatgjata. Partitë kryesore vazhdojnë ta manipulojnë opinionin publik dhe mbulojnë gjendjen katastrofike të vendit me demagogji, duke e mbajtur popullin të varfër e të lidhur me propagandën mediatike për të marrë sipas radhës qeverisjen e vendit. Rreth 60 % e popullit shqiptar nuk merr pjesë në votime sepse ka humbur besimin tek shteti dhe nuk e mbështet lojen e dy partive kryesore politike, te cilat konfrontohen dhe bashkohen në konsensuse jo për interesat e popullit e të demokracisë por për zotërimin e fushës së lojës. Pjesa e popullsisë qe voton është e lidhur me administratën dhe kjo u intereson dy partive të mëdha. Në këto kushte, popullit shqiptar do i shërbente një ligj për pjesmarrjen e të gjithë qytetarëve në votime si në shumë vende të demokracisë perëndimore, Nëse do kishim një ligj të tillë zgjedhor atëher do kishim edhe faktorë të tjerë politikë. Ky manipulim vazhdon të bëhet edhe me suksesin e marrëveshjeve me NATO-n e BE-në, në një kohë kur populli shqiptar është më i varfëri dhe më i rrezikuari në Europë. Shqiptarët nuk mund të jenë kurrë të fituar në NATO e as në BE nëse territori i tyre i lakmuar mesdhetar dhe pasuritë natyrore nuk do zhvillohen në dobi të ekonomisë e jetës së tyre. Lidershipi i dy partive kryesore mund të kontribojë realisht për pranimin në NATO e BE, nëse do shkëpusë çdo lidhje me mafien dhe do ndryshojë kahun e politikës në dobi të qytetarëve shqiptarë, nëse do ndërmarrë hapat e nevojshme me reformat e ligjet dhe jo sipas veprimeve që po bën gjatë këtyre ditëve me kushtetutën. Nëse ka nevojë për ndryshime në kushtetutë ato duhet të jenë me të vërtetë demokratike, progresive e të dobishme dhe të insistojnë në: 1-garantimin e barazisë për të gjithë para ligjit dhe heqjen e imunitetit për politikanët e përfaqësuesit e shtetit; 2-garantimin e votës së lirë; 3-garantimin e drejtësisë dhe të pavarsisë së pushtetit gjyqësor, 4-krijimin e institucionit të pavarur të akuzës; 5-garantimin e lirisë dhe të pavarësisë së mediave; 6-forcimin e institucioneve të sigurisë në vend dhe krijimin e kompetencave të Këshillit të Sigurisë Kombëtare; 7-vendosjen si parim kushtetues të barazisë gjinore etj. Prekja në mënyrë të përshpejtuar e kushtetutës për interes të udhëheqësve të partive kryesore dhe ngushtimi i debatit parlamentar vetëm me dy parti nuk është vlerë e demokracisë as e traditës parlamentare perëndimore. Në kushtet aktuale, vendimi i fundit i parlamentit është një atentat ndaj demokracisë, shtetit të së drejtës dhe interesave të qytetarëve. Fatkeqsisht, në aferat e qeverisë shqiptare me mafien janë përfshirë edhe diplomatë e përfaqësues të organizmave ndërkombëtare, disa prej të cilëve po i drejtojnë këto biznese të rrezikshme. Rreth 1,5 miliard dollarë të taksapaguesve perëndimore që janë lëvruar në këto 17 i kanë shërbyer më shumë korrupsionit se sa grupeve në nevojë. Akoma më e papranueshme bëhet sjellja e këtyre diplomatëve kur mbështesin akte të tilla si ai i dt 21 prill për ndryshimin e kushtetutës. Kushtetuta dhe ndryshimet e saj janë e drejtë e qytetarëve dhe diplomacia perëndimore duhet ta mbrojë këtë të drejtë të mohuar nga lidershipi i partive kryesore. Qytetarët i janë drejtuar vetgjyqësisë sepse çdo ditë e më tepër po perceptojnë se ligji është pronë e mafies në politikë. Nga vetgjyqësia kanë humbur deri më sot jetën mbi 5000 qytetarë dhe janë privuar nga liria me mijra familje të cilat nuk kanë gjetur shpëtim në asnjë vend tjetër përveçse tek tradita zakonore e pajtimit dhe emigrimi. Lidershipit politik shqiptar, si të mazhorancës dhe të opozitës, nuk i bën përshtypje tragjedia e dt.15 mars, as vrasjet e qytetarëve të pafajshëm, as gjendja e mjeruar në të cilën është katandisur popullsia shqiptare, as varfëria ekstreme e shfrytëzimi barbar i fëmijëve, as ngujimi e gjakmarrja, as vetvrasjet e pashembullta e emigrimi i pafund sepse janë të përfshirë në interesat ekonomike e financiare të mafies së pamëshirshme globale. Për sa më sipër Komiteti i Pajtimit Mbarëkombëtar: I drejtohet Kuvendit të Shqipërisë dhe kërkon Të marrë në konsideratë çështjet e parashtruara në këtë dokument duke vënë mbi gjithçka interesat e popullit shqiptar. I drejtohet Presidentit të Republikës së Shqipërisë dhe kërkon: 1 – Të ushtrojë autoritetin institucional për të marrë në shqyrtim problemet e mësipërme dhe të gjitha çështjet e trajtuara në Memon e dt 14 prill 2007 (drejtuar këtij institucioni) e t'i trajtojë ato në Këshillin e Sigurisë Kombëtare në respekt të ligjit dhe Kushtetutës së Republikës së Shqipërisë 2 – Të ushtrojë autoritetin e Presidentit për të marrë informacion zyrtar e ndërprerë lidhjet e operatorëve të mafies me qeveritarët dhe lidershipin e Partive Politike Parlamentare. 3 - Të ushtrojë autoritetin e Presidentit për krijimin e një tryeze të përhershme bashkbisedimi midis partive politike mbi reformën, ligjet dhe strategjitë e zhvillimit në dobi të përparimit të vendit dhe mirëqenies së qytetarëve. I drejtohet Prokurorit të Përgjithshëm të Republikës dhe kërkon: 1 - Të shqyrtojë denoncimet e ngritura në këtë dokument dhe në Memon e dt 14 prill 2007 dhe të marrë në procedim penal të gjithë ministrat e kryeministrat që me veprimet e mosveprimete e tyre i kane sjellë në vite pasojat e përshkruara në këto dokumente:2 – Të hetojë mbi pasuritë e fshehta të anëtarëve të kabineteve qeveritare, të lidershipit të partive politike, të kryeministrave, të perfaqësuesve të parlamentit dhe mbi burimet e financimit të Partive politike parlamentare e mbi lidhjet e tyre me mafien. 3 – Të hetojë të gjitha vendimet e qeverive, ligjet dhe vendimet e parlamentit shqiptar që janë miratuar në kundërshtim me interesat e popullit shqiptar dhe i kanë sjellë pasoja të rënda jetës së qytetarëve dhe mjedisit, që kanë favorizuar, krimin, korrupsionin, monopolet dhe interesat e mafies. Të marrë në procedim penal inicuesit e këtyre ligjeve dhe vendimeve qeveritare dhe të kthejë besimin e shqiptarëve tek shteti dhe drejtësia. I drejtohet Gjykatës Kushtetuese të Republikës së Shqipërisë dhe kërkon: 1- Të marrë në shqyrtim çështjet e parashtruara në këtë kërkesë dhe në Memon e dt 14 prill 2007 për të bërë shfuqizimin e të gjitha vendimeve të Këshillit të Ministrave dhe të ligjeve që bien në kundërshtim me interesat e shoqërisë shqiptare, me Kushtetutën e Shqipërisë, me kartat ndërkombëtare për të drejtat e njeriut dhe kanë sjellë pasojat e përshkruara në këto dokumente. 2 - Të marrë në shqyrtim dhe të shfuqizojë vendimin e Parlamentit të dt 21 prill 2008 mbi disa ndryshime në Kushtetutën e Republikës së Shqipërisë. I drejtohet Gjykatës Ndërkombëtare të Krimeve në Hagë dhe kërkon: 1 - Të asistojë në Republikën e Shqipërisë sipas kompetencave dhe statusit të saj për hetimin e krimeve ndaj popullsisë shqiptare të parashtruara në këtë dokument dhe të koordinojë punën me institucionet kombëtare në gjykimin e drejtë të këtyre çështjeve sipas ligjit, kushtetutës së Shqipërisë dhe akteve ndërkombëtare të nënshkruara. Për Komiteti i Pajtimit Mbarëkombëtar Gjin MarkuKryetar------------------------------------------------------------------Ju Rekomondojme te vizitoni www.mediashqiptare.com www.studioalbania.com www.radioalbania.net _______________________________________________ http://clk.atdmt.com/UKM/go/msnnkmgl0010000007ukm/direct/01/ ------------------------------------ Pershendetje dhe mire se erdhet ne Yahoo Group >>United Kingdom News<<ky Group u Formua per ti ardhur ne ndihme Komunitetit Shqiptare ne Angli si dhe ne vazhdimisht do ju njoftojme per punen dhe aktivitetet e Studios Albania ne Londerju mund te beheni antar i ketije grupi duke u regjistruar ky regjistrim ju kushton vetem 20 sec.pas regjistrimit ju do keni faqen tuaj personale ku mund te reklamoni edhe bisnesin dhe faqet tuaja te internetit,ne do ju ndihmojme vazhdimisht duke postuar te gjitha njoftimet tuaja ne mbi 2000 Antar te ketije grupi te cilet shtohen cdo dite dhe me shumeju pershendesim dhe ju urojme te kaloni sa ma mire nese ju kemi penguar ju kerkojm ndjese. Moderator United_Kingdom_NewsYahoo! Groups Links <*> To visit your group on the web, go to: http://groups.yahoo.com/group/United_Kingdom_News/ <*> Your email settings:Individual Email | Traditional <*> To change settings online go to: http://groups.yahoo.com/group/United_Kingdom_News/join(Yahoo! ID required) <*> To change settings via email:mailto:United_Kingdom_News-digest@yahoogroups.com mailto:United_Kingdom_News-fullfeatured@yahoogroups.com <*> To unsubscribe from this group, send an email to:United_Kingdom_News-unsubscribe@yahoogroups.com

A ekzistojnë incizime tjera me tortura?

Pas publikimit të incizimit në të cilën shihet se si Hebib Ahmeti nga fshati Brodec merret në pyetje nga policia maqedonase, parashtrohet dilema nëse ekzistojnë incizime tjera me torturat e kryera gjatë dhe pas aksionit të policisë maqedonase në fshatin Brodec. Në Ministrinë e Punëve të Brendshme (MPB) nuk i din motivet por thonë se do të pasojnë ndëshkime për incizuesit e videos ku i arrestuari nga Brodeci Hebib Ahmeti, i përgjakur dhe me fytyrë të masakruar qëndron i ulur në njërin nga stacionet e policisë. Pas publikimit të videos Ministria e Punëve të Brendshme (MPB) ka konfirmuar autenticitetin e saj. Zëdhënësi i policisë, Ivo Kotevski tha se është konfirmuar se videoja e publikuar është regjistruar në stacionin e policisë në Gazi Babë, menjëherë pas transferimit të personave të arrestuar nga Brodeci në stacionin e policisë në Shkup. Në MPB thonë se gjatë qëndrimit të personave të arrestuar në
stacionin e policisë përfshirë këtu edhe Habib Ahmetin, nuk është ushtruar dhunë dhe se shenjat e dhunës në trupin e Ahmetit, janë pasojë e rezistencës së tij gjatë arrestimit në Brodec. Nga MPB paralajmëruan se do të hetojnë edhe kush dhe si e ka regjistruar këtë video dhe si ajo ka dalë në publik.
Partia Demokratike Shqiptare, (PDSH), në një konferencë për shtyp të dielën në Tetovë, ka thënë se plicia nuk ka kryer dhunë. Sipas kësaj partie, “këto tekste janë të motivuara nga BDI-ja dhe LSDM-ja për të diskredituar PDSH-në dhe në veçanti Qeverinë, me të vetmin qëllim që të kyçen në Qeveri”.
Zëdhënësja e PDSH-së, Fatmire Isaku thotë se “dhuna e ushtruar nga policia multientnike ka qenë në bazë të standardeve dhe aksioni ka qenë i suksesshëm dhe është përshëndetur nga State Departamenti Amerikan dhe nga Bashkimi Evropian”.
Sipas saj, gjatë përleshjeve mes policisë multientnike kësaj 'bande kriminele të armatosur', siç thotë ajo, sigurisht që është përdorur forca nga ana e policisë në përputhje me standardet e parapara për situata të tilla, ku edhe ka ardhur te lëndimi i tyre, e në këtë rast edhe i Hebib Ahmetit.
“Hebib Ahmeti është një vrasës, që vret një gardian në burgun e Tetovës dhe gjatë periudhës së qeverisjes së LSDM-BDI po i njëjti person dënohet me burg të përjetshëm. I njëjti person që paraqitet në video incizim është një vrasës ordiner që i ofron strehim bandës kriminele të cilët kohë më parë u arratisën nga burgu i Dubravës – Kosovë dhe me muaj të tërë terrorizuan banorët e malësisë së Sharrit e veçmas banorët e Brodecit”, tha zëdhënësja Isaku.
Bashkimi Demokratik Shqiptar (BDSH) ka kërkuar nga PDH-ja të mos jap kualifikime për të arrestuarit e Brodecit dhe të mos merr rolin e gjykatësit. Kryetari i BDSH-së, Bardhyl Mahmuti thotë se, PDSH-ja që është në koalicionin qeveritar është bashkëpjesëmarrëse në këtë krim që është bërë në Brodec.

Torturat tronditën opinionin mbarë shqiptarë
Të gjitha mediat më të mëdha elektronike shqiptare në Shqipëri, Kosovë dhe Maqedoni e kanë transmetuar si lajm kryesor video incizimin në të cilin vërehet torturimi i njërit nga të arrestuarit në Brodec nga ana e policisë. Ata kanë theksuar faktin se bëhet fjalë për përdorim të mjeteve jonjerëzore gjatë marrjes në pyetje të Hebib Ahmetit. Po ashtu kanë theksuar faktin se incizimet janë siguruar nga gazeta “Lajm” e Maqedonisë.

Kush ia ka veshur uniformën Ahmetit?
Kuorizitet i cili bie në sy në incizimin me Hebib Ahmetin, të publikuar nga “Lajmi”, është uniforma e re me emblemën e UÇK-së e cila “vizëllon” në trupin e Ahmetit. Është për tu habitur se si pas një aksioni policorë ku thuhet se Ahmeti ka marrë pjesë në luftime të ashpra kundër policisë maqedonase, si dhe pas maltretimit aq të madh nga ana e policisë (që e dëshmojnë lëndimet e tij), uniforma në trupin e Ahmetit ka mbetur e paprekur. Kjo shton dyshimin se uniforma ka mundur ti vishet nga ana e policisë, pasi është arrestuar, me qëllim që të krijohet “argument më bindës” për prapavijën e rastit ët Brodecit. Policia nuk dëshiron të përgjigjet ndaj këtyre dilemave.

_________________________________________________________________________________

Incizim që flet për torturimet në Brodec

I lidhur me këmbë e duar në zinxhir, me fytyrë të përgjakur dhe të masakruar, me një kovë përpara, që mbase ka qenë e mbushur me ujë dhe i ka shërbyer forcave blu për ta sjellë të arrestuarin në vete pasi mund t'i ketë rënë të fikët. Me këto pamje zhvillohet biseda mes policisë dhe Hebib Ametit. Polici, ose inspektori policorë, i drejtohet të arrestuarit me një fjalor të pistë, që nuk i ka hije as rrugaçëve më të mëdhenj. Videoja që zgjat 2 minuta e 46 sekonda është incizuar me telefon celularë në zyrat ku janë marrë në pyetje të arrestuarit e Brodecit.


I akuzuari shihet i ulur në një karrige, ku i janë lidhur duart dhe këmbët. Para tij qëndron një kovë dhe përballë tij duket tavolina nga ku vjen zëri i personit që pyet në gjuhën maqedonase. I arrestuari, të cilit me shumë vështirësi i vjen zëri, nga i cili kuptohet edhe emri si Hebib Ameti, mban të veshur një gjoksore ngjyrë kafe me emblemë të UÇK-së. Nga video incizimi theksohet disa herë emblema e UÇK-së, si dhe rrobat me ngjyrë blu të errët. Herë pas here, personi që pyet, që sipas të gjitha gjasave duket se është inspektor i policisë, në mënyrë ironike shtiret se gjoja i vjen keq për ngjarjen e Brodecit. Ndërsa në momente të veçanta, ai përdor një fjalor të pistë.
Pyetësi gjithashtu nëpërmjet të akuzuarit mundohet të fitojë sa më shumë informacione si ka ndodhur ngjarja, sa persona kanë qenë, sa njerëz kanë vdekur, etj.
Ai është shprehur i interesuar drejtpërsëdrejti edhe për dy të shumëkërkuarit e policisë, Lirim Jakupi dhe Ramadan Shitin. Këta dy të fundit ishin edhe preteksti i policisë për të ndërmarrë aksionin në Brodec, të pagëzuar prej tyre si “Stuhia Malore”.
Ameti prej pamjeve të videos duket që është rrahur tejëmase. Fytyra shihet e ënjtur, e nxirë dhe sytë mezi i hap hera herës. Ai prej presionit të madh pranon se ka pasur armë, të cilën e ka hedhur dhe i është dorëzuar policisë. Hamendet nëse e ka parë apo jo Ramadan Shitin, ndërsa pranon se në atë grup ka qenë edhe Lirim Jakupi. Hebib Ameti pohon se e ka të vrarë vëllanë, por nuk e ka parë atë me sytë e tij. Këtë pohim ia kumton inspektorit të policisë nda fjalët, të cilat i ka dëgjuar në qeli të burgut nga të tjerrit. Ai duket i lodhur nga pyetjet e tepërta dhe në njëfarë mënyre i gatshëm për të pranuar çdo gjë që i shkonte inspektorit për qejfi. Në fund të bisedës ai pranon se ka gabuar, ndërkaq personi që ka incizuar, duke përshkruar edhe njëherë pamjen e Hebib Ametit është larguar nga zyra, ku është pyetur i akuzuari.
Ndryshe më 7 nëntor të vitit 2007 policia ndërmori aksionin në Brodec ku u vranë gjashtë persona dhe u arrestuan 13 të tjerë. Në burgun e Shutkës të paraburgosur mbahen Hanif Dervishi (51), Rametulla Dauti (25), Nevzat Ziberi (44), Shkëndim Dauti (25), Izmet Ameti (55), Habib Ameti (26), Memet Islami (28) nga Tetova, Florim Ameti (23), Arian Nevzati (54), Shehir Ziberi (29), Nadi Dauti (48), Baftjar Beqiri (44), Tafil Dauti (40) nga fshati Brodec. Të gjithë të arrestuarit akuzohen për “terrorizëm”, “aktivitete armiqësore” dhe “mbajtje dhe tregti armësh”. (r.l.)



Biseda origjinle

Video 2:46 sekonda

Pyetësi: Çka ju duhej kjo bre ia q... nënën, a?
Pyetësi: Çka ju duhej kjo bre?
Pyetësi: Çka është krejt kjo që ka ndodhur.
Pyetësi: Si quhesh ti?
Përgjigja: Hebib Ameti
Pyetësi: Si?
Përgjigjja: Hebib Ameti
Pyetësi: Nga je ti?
Përgjigj: Nga Brodeci.
Pyetësi: Sa njerëz kanë vdekur, a e din?
Përgjigja: S'e di. Vëllai im ka vdekur.
Pyetësi: Po nuk është dashur ashtu bre!
Pyetësi: A je i sigurt se ka vdekur?
Përgjigja: Ashtu më kanë thënë. Unë kam qenë në shtëpi dhe nuk e kam parë. E kam gjuajtur kallashin dhe ju jam dorëzuar policisë.
Pyetësi: Ramadan Shiti a ka qenë aty?
Përgjigja: Nuk e kam parë. Po, ka qenë aty, por nuk e kam parë.
Pyetësi: Aha. Tjetër kush ka qenë aty?
Përgjigje: Lirim Jakupi
Pyetësi: Lirim Jakupi, a!? Sa veta keni qenë të gjithë aty?
Përgjigje: Rreth 20.
Pyetësi: Vetëm aq! Nuk keni qenë më shumë?
Përgjigje: Jo, jo.
Pyetësi: Çka tu ka dashur kjo bre, nënën ia q...? Nuk tu ka dashur kjo.
Përgjigje: Nuk është dashur, por, çfarë të bëjmë, kam gabuar dhe aq.
/10 Feb 2008/F.F.

Mr. GAFURR ADILI:


NËNA MË LINDI,SHQIPËRIA MË RILINDI!


( Fjala mbrojtëse në Gjykatën e Faktit të Tiranës)


Zonja dhe zotërinj të këtij proçesi politik të kësaj farse gjyqësore!


Më lejoni që para se të paraqes fjalën time kryesore, në pika të shkurtra t'iu jap një paqyrë të shkurtër mbi jetën dhe veprimtarinë time mbi 25 vjeçare atdhetaro-revolucionare, siç vijon më poshtë :
Quhem Gafurr Adili, i biri i Fazliut dhe i Safijes, vëllau i Isait dhe i 4 motrave: Naxhijes, Afijes, Amdijes dhe Tefikes, si dhe bashkëshorti i Fekrijes dhe baba i Kastriotit, Gëzimes dhe Kushtrimit, Kelmendit, Albulenës dhe Donikës.
Kam lindur në 5 janar 1959 në fshatin Aranjell të Kërçovës apo të Usakanës Ilire. Shkollën fillore (tetëvjëçaren) e kreva në fshatin Kastriot (Serbicë e quajnë sllavo-maqedonasit), sepse në fshatin tim të lindjes as atëherë dhe as sot e kësaj dite nuk ka shkollë, dhe ashtu si unë dikur edhe vogëlushët e sotëm detyrohen që nëpër borë e nëpër shi të ecin me kilometra të tëra për të kryer shkollën fillore. Shkollën e mesme (gjimnazin e kreva në Prishtinë sepse atëherë gjimnazi në Kërçovë ishtë vetëm në gjuhën sllavo-maqedonase. Të lartën (Fakultetin Juridik) gjithashtu e kreva në Prishtinë, dhe në 3 shkurt 1982 morra titullin: Jurist i Diplomuar.
Më 7 shkurt 1982, sapo u ktheva në vendlindje, UDB-ja më arrestoi dhe më ngriti një mal me akuza, si "nacionalist", "irredentist", "separatist" dhe "agjent i Shqipërisë", por gjatë gjithë periudhës 2 mujore, përkundër gjithë asaj dhune dhe torture psiko-fizike nëpër qelitë e UDB- së në Kërçovë dhe në Manastir, arrita që t'i mohoj dhe të mos zbulohesha se isha pjestar i lëvizjes (së fshehtë) Atdhetaro- Revolucionare të Kosovës, dhe periudha 2 mujore më ishte shqiptuar si burg i mjaftueshëm për pjesmarrje në demonstratat e mars- prillit 1981. Demonstrata të cilat, dëshmori i kombit e shoku im i idealit -NUHI BERISHA, me plotë të drejtë, i ka quajtur "PRANVERA E LULEVE TË KUQE".
Me inisiativën dhe këmbënguljen e dëshmorit tjetër të kombit, të rënë bashkë me bashkëshorten e vet- XHEVE KRASNIQIN në luftën e Kosovës, shokut FEHMI LADROVCI, në shtator të vitit 1982, në Universitetin e Zagrebit, i regjistrova studimet pasuniversitare ( për Magjistraturë) dhe deri në nëntor 1984 i përfundova të gjitha provimet në lëmin: "Aspektet Ekonomiko - Juridike gjatë Lidhjes Shqiptare të Prizrenit".
Viti 1984 ishte viti i goditjeve të rënda që mori Lëvizja Atdhetaro- Revolucionare e Kosovës. Dimri ishte shumë i egër dhe fushatat ndëshkuese të UDB -së rëndë po i godisnin radhët tona. Në janar dhe shkurt 1984 në luftë e sipër ranë për të mos vdekur edhe ideologët e PARTISË SË LUFTËS SË KOSOVËS: dëshmorët: RREXHEP MALAJ, NUHI BERISHA dhe BAJRAM BAHTIRI, si dhe me dhjetra atdhetar revolucionar të PLK-së.U arrestuan edhe 5 shokë në Kerçovë, kurse unë, Ali Ahmeti (tani kryetar i BDI-së) dhe Musa Xhaferri (aktualisht zëvëndëskryeministër i Branko Crvenkoskit) u arratisëm dhe u vendosën në Luzern të Zvicrës.
Që nga 11 prilli i vitit 1985, kohë kjo kur iu nënshtrova proçedurës së refugjatit politik, status të cilin e fitova në shtator të vitit 1985, bashkë më bashkëshorten time dhe 6 (gjashtë) fëmijët kam jetuar, punuar dhe vepruar në Malters, një fshat ky jo larg Lucernit të Zvicrës. Kurse, nga shtatori 1985 dhe deri në fund të dhjetorit 1993, kam punuar në dy fabrika, ku si pasojë e punës së rëndë fizike, si dhe nga torturat e dikurshme të UDB-së, në fund të vitit 1993 u sëmura rëndë dhe nga kjo kohë përfitova pensionin invalidor.


Zonja dhe zotërinj!

Shkëndijat e para të frymëzimit tim atdhetaro-revolucionar, që në shkollën fillore, m'i mbolli ish mësuesi im, Profesor Sulejman Elezi, me të cilin më vonë u bëmë edhe shokë të një organizmi, të organizatës "KUSHTRIMI I LIRISË", të cilën e udhëhiqte dhe e drejtonte atdhetaro-revolucionari i shquar RAFI HALILI nga Tetova. Me Profesor Sulejman Elezin, (Sulë Starovën) tanimë i ndjerë (vdiq në Çikago në dhjetor të vitit 2000), në pranverë të vitit 1980 pata nderin e madh që të vizitoja Ambasadën Shqiptare në Beograd, ku pasi pimë kafe dhe konjak " Skënderbej" i morëm edhe disa revista dhe libra, të cilat ua sollëm shokëve e shoqeve në Kërçovë që t'i lexonin dhe t'i shpërndanin bashkë me gazetat e fshehta të kohës si "LIRIA" dhe "LAJMËTARI I LIRISË"
Viti 1974, vit ky kur unë shkova në Prishtinë, ishte koha kur Kosova pas demonstratave të vitit 1968, në të cilat demonstrata populli kishte kërkuar statusin Republikës, por që regjimi i rrenegatit Tito, Kosovës i kishte njohur vetëm statusin e krahinës autonome, ishte koha kur Shqipëria me Kosovën kishin lidhur një marrëvëshje për shkëmbime arsimore, kulturore dhe sportive. Një rol të madh për këtë marrëveshje kishte lozur edhe intelektuali atdhetar, ish i burgosur politik i vitit 1981 dhe aktualisht i zhdukur nga Burgu i Dubravës, ku vuante burgun për herë të tretë, magjistri i shkencave politike dhe Kryetari i Nderi i Frontit për Bashkim Kombëtar (FBKSH-së), UKSHIN HOTI. Profesorë të shumtë ndër të cilët edhe Rexhep Mejdani dhe Pëllumb Bitri, artistë e artiste si: Tinka Kurti, Kadri Roshi dhe Sulejman Pitarka, këngëtarë e rapsodë si Fitnete Rexha, Shyqyri Alushi dhe Sali Mani si dhe sportistë e sportiste të shumta vinin në Kosove, të cilët përmes ligjëratave, dramave, këngëve dhe ndeshjeve sportive, mua dhe shumicës dërrmuese të rinisë së Kosovës na frymëzonin dhe na edukonin me ndjenjat e patriotizmit dhe të atdhedashurisë.


Zonja dhe zotërinj!

Tanimë fare mirë dihet historia jonë kombëtare e shkruar me gjak dhe barot, të cilën e kemi pasqyruar edhe në platformën e Frontit për Bashkim Kombëtar Shqiptar (FBKSH), por unë këtu do të ndalesha në një pjesë të saj, të cilën edhe vetë e kam përjetuar, e cila më ka lënë mbresa të pashlyera dhe e rikujtoj, prandaj, më lejoni që të gjithë atyre që nuk e njohin dhe, ose e kanë harruar apo dëshirojnë që ta harrojnë t'ua rikujtoj, sepse e respektoj thënien e vjetër latine: "HISTORIA ËSHTË MËSUESJA E JETËS" dhe unë përpiqem dhe do të përpiqem ta respektoj edhe në të ardhmen, si më poshtë vijon:

-10 Qershori i vitit 1978 ishte një datë e shënuar historike. Shqiptarët festonin 100 vjetorin e Lidhjes Shqiptare të Prizrenit dhe me këtë rast u bë edhe shpalosja e Programit të kësaj Lidhjeje, si rezultat erdhi edhe krijimi i grupeve dhe organizatave (të fshehta) si dhe konsolidimi i Lëvizjes Atdhetaro-Revolucionare të Kosovës. Nga ana tjetër, nga kjo kohë e deri në shpërthimin e demonstratave mbarëpopullore të vitit 1981,si dhe pas asaj deri në kohën e shpërbërjes së krijesës artificiale me emrin RSFJ, në hapësirat shqiptare të Kosovës dhe trojeve shqiptare nën ish RSFJ u zhvillua një luftë midis dy koncepteve:

1.Koncepti i parë përfaqësohej nga titistët shqipfolës, të cilët propagandonin dhe forconin "vëllazërim-bashkimin" jugosllav, të cilët pretendonin që popullin shqiptar, fillimisht ta zhvishnin nga ndjenjat e shqiptarizmit dhe më vonë edhe ta asimilonin dhe si përfundim të krijonin një komb tjetër me emrin Kombi Kosovar. Titistët shqipfolës jo vetëm propagandonin edhe për martesat e përziera të shqiptarëve e shqiptareve me joshqiptarë e joshqiptare, por në këtë drejtim edhe jepnin shembujt e tyre konkret. Të tillët, të organizuar në kuadër të LKJ-së (Lidhjes Komuniste të Jugosllavisë) për Kosovën më shumë e donin Jugosllavinë se sa Shqipërinë.
1. Koncepti i dytë ishte koncepti i ngritjes së vetëdijes kombëtare dhe jetësimit të Programit të Lidhjes Shqiptare të Prizrenit. Ishim ne rinia e Kosovës dhe viseve të saj, tanimë të organizuar në grupet e shumta të Lëvizjes Atdhetaro-Revolucionare të Kosovës.

Pra, ishte kjo periudha kur unë po rilindja dhe jo rastësisht fjalën time kryesore e titullova; NËNA MË LINDI, SHQIPËRIA MË RILINDI, sepse gjatë kësaj periudhe (1974-1980) unë u formova si personalitet atdhetar dhe u pajisa më virtytet më të larta atdhetaro-revolucionare. Më lejoni që me këtë rast të përshendes të gjithë atë plejadë profesorësh, artistësh, këngëtarësh dhe sportistësh të Shqipërisë Londineze ( të cilët janë gjallë) t'i përshëndes dhe t'i falemnderoj për punën e tyre të bërë, me ndershmërinë dhe përgjegjësinë më të lartë atdhetare që iu kishin ngarkuar personalitetet dhe drejtuesit më eminent të Shqipërisë dhe të grupeve dhe organizatave atdhetaro-revolucionare të Kosovës, kurse familjeve dhe shokëve të idealit kombëtar, të cilët tanimë janë edhe dëshmorë të kombit, t'iu shpreh konsideratat e mia më të larta dhe të të gjithë anëtarëve të Frontit për Bashkim Kombëtar Shqiptar (FBKSH).
Lufta midis këtyre dy koncepteve, kjo luftë konceptesh ndërshqiptare të Kosovës dhe trojeve të saj nën Serbi, nën Mal të Zi dhe nën Maqedoni u ashpërsua gjatë dhe pas demonstratave të pranverës 1981, ku të parët, titistët shqipfolës, të ndihmuar jo vetëm nga propaganda jugosllave, por edhe nga aparati shtetëror jugosllav (UDB, policia dhe ushtria), fillimisht duke instaluar edhe të ashtuquajturin "diferencim ideopolitik", që nënkuptonte spiunimin shqiptarëve nga vetë shqiptarët, filluan një luftë të ashpër dhe hakmarrëse kundër forcave atdhetaro-revolucionare, ku për pasojë u vranë 11 demonstrues, qindra të plagosur dhe mbi 70 mijë djem e cuca shqiptare u dënuan nga gjykatatat jugosllave.
Kjo luftë konceptesh vazhdoi edhe pas vitit 1990, por këtë radhë fatkeqësisht në të gjitha hapësirat e Shqipërisë Etnike, kur në këto hapësira u krijuan edhe partitë e para politike si: LDK , PPD , PVD dhe LDKMZ, të cilat përmes programeve dhe organizimit të tyre kishin njohur ndarjen e Kosovës që kishte bërë regjimi i rrenegatit Tito në vitin 1945. Megjithatë në këtë periudhë krahas organizatave (të fshehta) atdhetaro-revolucionare u krijuan edhe parti politike që në programet e tyre parashihnin unitetin dhe bashkimin kombëtar, nismë kjo që dështoi dhe degjeneroi në : Tetova 1 dhe Tetova 2 me një Kuvend të Shkencave dhe të Arteve të Republikës së Shqipërisë dhe njihet si Platforma e Bashkimit Kombëtar, 60% të së cilës e kemi në Platformën e Frontit për Bashkim Kombëtar Shqiptar (FBKSH).

Pranvera ë viit 1981, kjo pranverë e luleve të kuqe të Kosovës, ishte fillimi i një lufte për liri. Demonstratat e pranverës së vitit 1981, në të cilat jo vetem isha pjesmarrës direkt, por dhashë edhe kontributin tim modest në mbarëvajtjen e tyre, ishin demonstratat kur të sëmurës së Ballkanit ia tronditën themelet, ishin demonstratat që njëhërë e përgjithmonë e prishën "vëllazërim-bashkimin" jugosllav dhe penguan asimilimin e shqiptarëve të Kosovës dhe të viseve shqiptare nën ish-Jugosllavi. Goditjet më të rënda Lëvizja Atdhetaro- Revolucionare e Kosovës i mori në janar 1982 kur UDB-ja në Gjermani vrau vëllezërit Jusuf e Bardhosh Gërvalla dhe Kadri Zekën, në janar dhe shkurt 1984, kur po ashtu UDB-ja në Prishtinë vrau Rexhep Malajn, Nuhi Berishën dhe Bajram

Bahtirin, dhe unë me krenarinë më të lartë kombëtare kam patur fatin dhe nderin e madh që jo vetëm ti njoh dëshmorët Kadri Zeka dhe Nuhi Berisha, si dhe më vonë edhe Enver Hadrin, të cilin gjithashtu UDB-ja në Bruksel e vrau, por edhe të jem bashkëluftëtar i tyre.
Nga goditjet e sipërcekura, si dhe nga arrestimet e shumta, ku sipas një statistike, mbi 70 mijë djemë e cuca janë dënuar me mijëra vite burg, kur unë shkova në Zvicër, më 11 prill 1985, këtë lëvizje e gjeta të përçarë dhe midis dy Lëvizjeve për Republikën e Kosovës po zhvillohëj një luftë e rreptë grupesh dhe një devijim nga Programi Politik apo më mirë të them largim nga bashkimi kombëtar, kur njëra LPK ( me adresë) deklarohej se punonte dhe luftonte që ish krahina e Kosovës të bëhej Republikë dhe tjetra (ajo pa adresë) deklaronte se qëllimi i parë dhe i fundit ishte Republika e Kosovës. Unë dhe disa bashkëveprimtarë të tjerë nuk u pajtuam që as të implikohemi në këtë luftë të ndyrë grupesh dhe aq më tepër të hiqnim dorë nga betimi ynë -bashkimi kombëtar, kështu krijuam Grupin Revolucionar të Kosovës, përmës të cilit rregullisht u përpoqëm që të bashkonim grupet dhe organizatat rreth një Fronti për Bashkim Kombëtar Shqiptar. Më 16 tetor 1992 në Vushtërri të Kosovës, organizuam Konferencën e Organizatës Revolucionare Shqiptare (ORSH), ku u bë kalimi në PRSH (Partia Revolucionare Shqipatare) dhe unë u zgjodha Përfaqësues Publik (Zëdhënës) i PRSH-së. Numrat e parë të organit të PRSH-së "Kushtrimi i Lirisë" i nxorrëm në Kosovë, fillimisht në Deçan dhe më vonë në Prishtinë, deri në verë të vitit 1993, kohë kjo kur Serbia i goditi forcat atdhetaro-revolucionare, kurse disa të tjerë ndër të cilët edhe antari i redaksisë dhe bashkëpunëtori im, dëshmori Ali Ukaj, të cilin dora e zgjatur e UDB-së e vrau në Tiranë dhe opinioni i Republikës së Shqipërisë e njeh si gazetar i gazetës "Gazeta Shqiptare". Kjo dorë e zezë serbe më herët kishte vrarë furnizuesin e parë të Ushtrisë Clirimtarë të Kosovës (UÇK), dëshmorin Remzi Hoxha, si dhe më vonë shefin e logjistikës së UÇK-së, komandant Mërgimin, dëshmorin e kombit Ilir Konushevcin. Në kohën kur të gjitha masmediat e shkruara dhe ato elektronike shqiptare po shpifnin kundër Ushtrisë Clirimtare të Kosovës (UÇK), të cilët UÇK-në e quanin "ushtri të fakseve", "dorë të zgjatur të Serbisë", "grupe katundare" dhe "organizatë terroriste" etj., si dhe se gjoja aksionet në Kosovë po i kryente Serbia dhe se gjoja të gjithë policët serbë në Kosovë po i vriste Serbia, organi i Partisë Revolucionare Shqiptare (PRSH) "Kushtrimi i Lirisë" kryeredaktor i të cilës isha unë, organ i cili në ballinë lëshonte thirrjen kushtrim: "Shqipëtarë bashkohuni dhe ngrituni në luftë për bashkim kombëtar" shkruante:" Kush i'u frikësohet aksioneve çlirimtare në Kosovë?!" , apo me rastin e rëniës së dëshmorëve:
ZAHIR PAJAZITI, EDMOND HOXHA dhe HAKIF ZEJNULLAHU shkruante : " RANË TRE PËR TU RINGRITUR TREQIND"

Zonja dhe zotërinj!

Të gjithë bashkëveprimtarët e mi e dinë se unë kurrë nuk kam dashur që të flas në njëjës dhe se kam qenë edhe jam armik i përbetuar i kultit të individit, por aktualisht jam i shtrënguar që t'ua them disa gjëra për mua, si më poshtë vijon:

E para, që unë të rritem dhe të shkollohem kurrën e kurrës nga ish- Jugosllavia nuk kam përfituar as bursë dhe as kredi, por jam rritur dhe shkolluar vetëm nga djersa e familjes sime, për ç'ka babai im është dashur për disa dekata të tëra të derdhë djersën në Vjenë të Austrisë. Gjithashtu, për aktivitetin tim atdhetaro-revolucionar kurrën e kurrës nuk kam marrë as qoftë edhe një frangë zvicerane nga fondet e organizatave që ju përkisja, përkundrazi gjithmonë kam qenë anëtari më i rregullt në përmbushjen e obligimeve të përcaktuara si: antarësia mujore dhe kontributet e obliguara si dhe të gjithë aktivitetin tim e kam mbuluar nga buxheti i familjes sime, çka do të thotë nga kafshata e gojës së gjashtë fëmijëve të mi.

E dyta, kurrën e kurrës nuk kam qënë antar i ish- Lidhjes Komuniste Jugosllave (LKJ), sepse sapo i kisha mbushur 19 pranvera isha inkuadruar në Lëvizjen Atdhetaro-revolucionare të Kosovë
Dhe, kur ne vitin 1980, LKJ deshironte të më pranonte në radhët e saj, unë deklarova se: Kurrën e kurrës nuk do të bëhem anëtar i një lidhjeje që shtyp dhe vret popullin tim!"

E treta, as uniformën e të shtuquajturës APJ (Armata Popullore Jugosllave) nuk pranova që ta vishja sepse nuk mund të vishja uniformën e një ushtrie pushtuese të tokave shqiptare, për të cilat isha betuar se do të luftoja që t'i çliroja dhe t'i bashkoja me Nënën Shqipëri.

E katërta, siç e ceka edhe më sipër menjëherë pas kremtimit të 100 vjetorit të Lidhjes Shqiptare të Prizrenit, më 10 Qershor 1978, u organizova në radhët e Lëvizjes Atdhetaro-Revolucionare të Kosovës dhe kisha bërë një betim: "BETOHEM SE DERI NË VDEKJE DO TË LUFTOJ PËR ÇLIRIMIN E TOKAVE SHQIPTARE TË PUSHTUARA DHE PËR BASHKIMIN E TYRE ME NËNËN SHQIPËRI..BETOHEM!"

Përafërsisht ky betim, brez pas brezi i ka organizuar edhe gjeneratatat e reja ndër të cilët edhe luftëtarët e UCK-së, shumica e të cilëve kanë rënë dëshmorë. Pra, janë vetëm dëshmorët e kombit ata që kanë përmbushur betimin e bërë, kurse ne të gjallët, ndër të cilët edhe unë, përkundër përpjekjeve të shumta dhe sakrificave të bëra, përderisa trojet e shqiptarëve janë të ndara dhe të pushtuara e të kolonizuara nga pushtuesit e kolonizatorët sllavo-grekë, nuk e kemi kryer obligimin ndaj Kombit dhe Atdheut ashtu siç e kanë përmbushur dëshmorët e kombit. Por, jam mëse i sigurtë që për as sa e zeza e thoit dhe per as sa një fije floku nuk e kam dëmtuar Kombin dhe Atdheun, prandaj edhe më këtë rast po nga kjo gjykatore po ribetohem; se deri në frymëmarrjen time te fundit do të punoj, do të veproj dhe do të luftoj për çlirimin dhe ribashkimin e Kombit Shqiptar në një SHQIPËRI TË BASHKUAR.

E pesta, dhe e fundit, siç e përmenda edhe më herët që në rini, ATMËMËDHEU IM- SHQIPËRIA ka qënë nena ime e dytë. Nënë Safija më lindi dhe Nënë Shqipëria më rilindi, prandaj si dikur edhe sot edhe në të ardhmen Shqipërinë e kam quajtur dhe do ta quajë NËNË, paçka se kjo Nënë ka shumë djemë të përdalë, lakmitarë dhe plangprishës, të cilët këtë ZONJË TË RRALLË e kanë mplakur para kohe, e kanë djegur dhe shkatërruar disa herë si në vitet 1991, 1992 dhe 1997. Por për idealistët të cilët kurdoherë parim kanë patur, që të shkrijnë pasurinë për ta bërë Shqipërinë, dhe janë në kundërshtim të plotë me bijtë e tjerë plangprishës, të cilët e shesin Shqipërinë për të bërë pasurinë për vete dhe pasardhësit e tyre, nëna më tepër se kurrë kur mplaket ka nevojë për ndihmën e bijve e bijave që i lindi, i rriti dhe i rilindi. Dhe, unë tani më shumë se kurrë më parë e dua dhe do ta dua Nënën Shqipëri, paçka se vëllezërit e mi plangprishës, më 9 mars 2003, nuk më lejuan që ta shoh Nënën Shqipëri dhe më kthyen nga Aeroporti i Rinasit, paçka se më 30 Qershor 2003, kur unë erdha që ta shihja këtë Nënë, më prangosën dhe më futën në atë burg në të cilin vite më parë kishin futur dëshmorët e kombit : ADEM JASHARIN, ZAHIR PAJAZITIN dhe LUAN HAJRADINAJN, paçka se më kanë përgatitur një farsë gjyqësore me disa akuza sa absurde po aq banale, se gjoja unë paskëm nxitur urrejtje nacionale, fetare apo se gjoja unë dhe Taip Mustafai paskëshim planifikuar të godasim objektet ushtarake dhe policore të FYROM-it!!!

Zonja dhe Zotërinj!

Askund as në platformën dhe statusin e FBKSH-së, nuk mund të gjeni, qoftë edhe një fjalë, ku të jetë shprehur urrejtja jonë për popujt sllavo- grekë, por vetëm për pushtuesit e kolonizatorët e trojeve shqiptarë të Shqipërisë Etnike. Gjithashtu, as në ndonjë deklaratë apo intervistë me siglën e FBKSH-së dhe të AKSH-së, nuk mund të gjeni qoftë edhe një thirrje drejtuar popullit shqiptar që të sulmojë minoritet sllavo-greke dhe pronat e tyre ne Republikën e Shqipërisë. Dhe, jo vetëm në Republikën e Shqipërisë, ku vepron Kushtetuta dhe Kodi Penal i Republikës së Shqipërisë, por as edhe kundër popujve sllavo-grekë, qeveritë e të cilëve mbajnë të pushtuar e të kolonizuar më tepër se gjysmën e trojeve dhe të popullit të Shqipërisë Etnike, nga të cilët kemi kërkuar, kërkojmë dhe do të kërkojmë që të largohen nga trojet tona sepse në të kundërtën do ti detyrojmë që të largohen të humbur dhe me turp.
E kemi thënë se ne nuk do të lejojmë, që Republika e Shqipërisë të kufizohet me trojet dhe popullin e vet dhe as që do të pranojmë më që populli shqiptar të jetë i pushtuar e i kolonizuar nga pushtuesit e kolonizatorët sllavo- grekë.
Pastaj, të pish kafe në një lokal publik në Peshkopi nuk eshtë flagrancë, apo konsumim i veprës penale dhe as që mund të arsyetohet mbjatja në burg apo edhe gjykimi i një Invalidi të Luftës së Kosovës, shokut TAIP MUSTAFAI-Komandant Vardarit, bashkëluftëtarit të dëshmorëve të kombit ISMET JASHARIT-KUMANOVA dhe TAHIR SINANIT- TROPOJA, të cilin rapsodi popullor për pjesëmarrjen në luftën e Kosovës e quan Tahir Kosova, për pjesëmarrjen në luftën e Preshevës, e quan Tahir Presheva dhe për pjesëmarrjen në luftën e Gostivarit e quan Tahir Shqipëria.
Me mua kafe kanë pirë edhe shumë personalitete intelektuale e publike nga të gjitha hapësirat e Shqipërisë Etnike, ndër të cilët edhe shumë personalitete të strukturave drejtuese të Republikës së Shqipërisë dhe sikur t'i arrestonit dhe t'i sillnit në gjykatore që të gjithë, besoj së do të duhej që fillimisht Republika e Shqipërisë të ndërtonte disa amfiteatro të stilit romak.
Edhe sikur të ishte e vërtetë që ashtu siç supozoka prokuroria shqiptare, pra se ne paskëshim planifikuar që ti godasim objektet ushtarake e policore të FYROM- it, vallë pse u dashka që policia dhe prokuroria shqiptare ta mbronte FYROM-in?! A mos vallë krijesa artificiale me emrin FYROM, nuk paska polici dhe ushtri, për ta mbrojtur FYROM-in ?! Apo ndoshta dikush planifikon që Republikën e Shqipërisë ta bëjë pjesë integrale të Konfederatës Ballkanike Sllavo-Greke?!
Jo, Zonja dhe zotërinj, FYROM-i ka edhe polici edhe ushtri, të cilat gjatë kësaj përiudhe 10 vjeçare disa herë me rradhë i kanë lyer duart më gjak shqiptari, ku për pasojë mbi 300 shqiptarë të Republikës së Shqipërisë i kanë vrarë në zonat kufitare. Gjithashtu, ka masakruar Ladorishtin e Strugës, Bit Pazarin e Shkupit, Reçicën Tetovës edhe Brezën, ku kjo polici e ushtri kriminele i vrau dy shqiptarë që akoma nuk i kishin mbushur 18 pranverat. Besoj që i gjithë kombi ynë akoma e ka të freskët masakrën makabre mu në sheshin e Tetovës, ku kriminelët sllavo-maqedonas jo vetëm që vranë babën dhe djalin e tij, por i përdhunuan edhe kufomat e tyre. Që të gjitha këto masakra që ceka më lart i ka projektuar dhe drejtuar anti- shqiptari me emrin Branko Crvenkoski.

Zonja dhe zotërinj!

Çuditërisht gjatë kësaj periudhë 10 vjeçare te ne shqiptarët kanë ndodhur disa fenomene absurde, dhe në pamundësi për t'i potencuar, po i rikujtoj vetëm ato më kapitalet si më poshtë vijon:

1. Kur filloi shpëbërja e krijesës artificiale, të sëmurës së ballkanit me emrin Jugosllavi, dhe kur popujt e saj : sllovenët, kroatët, boshnjakët dhe sllavo-maqedonasit po punonin, vepronin dhe luftonin për lirinë dhe sovranitetin e tyre, ne shqiptarët në vend që të punonim, vepronim dhe luftonim u morrëm me vetveten, ku për pasojë shqiptarët e Shqipërisë Londineze digjnin dhe shkatërronin pasurinë kombëtare, kurse partitë politike shqiptare në FYROM kontribuonin që kjo krijesë artificiale të bëhej shtet. Në kohën kur askush nuk e njihte dhe pranonte FYROM-in, qeveria e Republikës së Shqipërisë qe e para që e njohu pa kushte, si dhe tani kur askush nuk e quan me emrin kushtetues-Maqedoni, por e quajnë dhe e njohin si FYROM, është qeveria e Republikës së Shqipërisë ajo që me gojën plot e quan "Maqedoni".

2 . Republika e Shqipërisë, një shtet me sovranitet mbi 80 vjeçar ngelet pa aktin më të lartë juridik, pa Kushtetutë, kurse nga ana tjetër ka një gjykatë kushtetuese, detyra e se cilës është që të kontrollojë ligjshmërinë dhe kushtëtushmërinë e ligjeve për kushtetutën, si dhe të kontrollojë që ligjet dhe kushtetuta të mos shkilet nga organet drejtuese të Republikës së Shqipërisë. Nga ana tjetër Republika e Kosovës e panjohur ndërkombëtarisht, kishte kushtetutë dhe nuk kishte gjykatë kushtetuese për të kontrolluar organet drejtuese të Republikës së Kosovës, të cilët me mos konstituimin e Parlamentit të Kosovës, i cili do të duhej të ndërtonte infraskturën ligjore për qeverisjen e Republikës së Kosovës, por shkilnin Kushtetutën e Kosovës, si dhe përderisa atdhetarët shqiptarë të Kosovës, të cilët tani ishin rreshtuar në rradhët e Ushtrisë Çlirimtare të Kosovës dhe po ndiqeshin nga policia serbe duke u detyruar që të strehoheshin në Shqipërinë Londineze, dora e zgjatur serbe këtu në Shqipëri i arrestante, siç ka qenë rasti i burgosjes së themeluesve e drejtuesve të lartë të UÇK, dëshmorëve: Adem Jashari, Zahir Pajaziti dhe Luan Hajradinaj. Po kjo dorë e zezë, po këtu në Shqipëri, arriti te vrasë: Remzi Hoxhën (financuesi i parë i UÇK, Ali Ukaj, zëdhënesi i parë i UÇK dhe Komandant Mërgimi- Ilir Konushevcin, shefi i logjistikës së UÇK.

3. Përderisa organizatat atdhetaro-revolucionare dhe pas vitit 1990 dhe shumë parti politike shqiptare, të cilat në programet e tyre kishin Bashkimin Kombëtar Shqiptar, nuk arritën që të krijonin krahun e tyre të armatosur, në rastin e UÇK ndodhi e kundërta! UÇK nuk pati formacion politik drejtues që ta drejtonte politikisht, sepse fare qartë dihet që lufta fillon me mjete politiko- diplomatike dhe kur ato nuk japin rezultatet e duhura, atëherë vazhdohet me mjete politike të dhunës dhe në fund përfundon po me mjete politike- diplomatike.

4. Jo vetëm në historinë tonë kombëtare të shkruar me gjak e barot, por në as historitë e popujve të tjerë nuk është dëgjuar që në ndonjë vend të jetë formuar ndonje ushtri, aq më tepër me emertimin çlirimtare dhe kombëtare, që të mbronte sovranitetin e shtetit kundër të cilit kjo ushtri çlirimtare dhe kombëtare po luftonte. Kjo ushtri çlirimtare, e emërtuar dhe kombëtare, do të duhej të luftonte për çlirimin e tokave shqiptare dhe për bashkimin e tyre në një shtet kombëtar. Pikërisht, emërtimi Ushtri Çlirimtare Kombëtare- UÇK, ishte dhe arsyeja e logjikshme e djemve dhe e cucave shqiptare që mbushnin radhët e saj, të cilëve drejtuesit e lartë të UÇKombëtare nuk iu kishin dhënë asnjë Platformë, derisa dolën me Komunikatën Nr. 6, përmes së cilës drejtuesit e saj deklaronin se nuk luftonin për çlirimin e trojeve shqiptare nën FYROM, se nuk ishin për ndarjen e FYROM-it, se e njihnin dhe e pranonin sovranitetin dhe integritetin territorial të FYROM-it dhe se luftonin dhe kërkonin të drejta kushtetuese për shqiptarët në FYROM. Nga ky veprim unikal në botë të krijohet dyshimi, sikur dikush na ishte ngritur për ta prishur FYROM, apo drejtuesit e UÇKombëtare nuk e dinin se, për të krijuar partitë politike do të mjaftonin 120 nënshkrime dhe nuk duhej luftuar, luftë kjo që shkatërroi zona të tëra shqiptare?! Sikur djemtë dhe vashat, që u radhitën në radhët e UÇKombëtare, ta kishin ditur platformën e liderëve të saj që ishte Komunikata Nr 6, e cila u publikua pasi këta djem dhe vasha kishin rrokur armët dhe ballë për ballë po luftonin kundër policisë dhe ushtrisë sllavo-maqedonase.Besoj se nuk do të ishin radhitur në radhët e UÇKombëtare, sepse këta heronj të gjallë nuk do të pranonin të jepnin jetën, gjakun dhe gjymtyrët e tyre , si dhe të digjeshin e të shkatërroheshin fshatra të tëra shqiptare ,për të krijuar parti politike që dikush të ulet në kolltuqet sllavo-maqedonase të antishqiptarit të përbëtuar,Branko Crvenkonski, të cilët tani riaktivizojnë ish "vllazërim-bashkimin" jugosllav, të kamufluar me "multientitet" dhe "integrim ndëretnik"
Aktualisht ish liderët e ish UÇKombëtare, të cilët me gjakun e dëshmorëve, me gjymtyrët e invalidëve të luftës, me mundin dhe djersën e luftëtarëve të lirisë si dhe me djersën e popullit, janë bashkuar me pushtuesit dhe kolonizatorët sllavo-maqedonas dhe nga ana tjetër familjet e dëshmorëve, invalidët e luftës dhe luftëtarët e lirise i kanë lënë rrugëve dhe nën mëshirën e fatit dhe nën mëshirën e qeverisë sllavo-maqedonase, e cila i ka mbushur burgjet me luftëtarët e lirisë, në kohën kur po kjo qeveri të gjitha familjeve të policëve dhe ushtarëve sllavo- maqedonas të vrarë, apo të mbetur invalidë, jo vetëm që ju jep pensione, por dhe i'u siguron beneficione dhe privilegje shtetërore.

5. Ashtu si dikur, kur burgjet e ish Jugosllavisë ishin mbushur plot e përplot me atdhetarë shqiptarë edhe tani në Kosovën Protektorat janë mbushur me çlirimtarë, me ish luftëtarë të UÇK dhe me atdhetarë që nuk pajtohen me statusin aktual të Kosovës dhe të viseve shqiptare të pushtuara dhe të kolonizuara nga pushtuesit dhe kolonizatorët serbo-malazezo sllavomaqedonas. Po ata titistë shqipfolës, të cilët gjatë luftës bashkëpunuan me armikun serb, sot përpilojnë lista dhe i denoncojnë çlirimtarët me akuza aq tepër bajate, për fajin e vetëm, sepse këta çlirimtarë luftuan kundër akupatorit serb, kundër policisë dhe ushtrisë kriminale të Serbisë. Çlirimtarët po barazohen dhe po krahasohen me kriminelët serbë, me të vetmin faj, sepse ishin vënë në mbrojtje të të pambrojturve shqiptarë të Kosovës, të cilët Lubia Serbe deshi ta zhbënte nga Kosova. Komandant Çeliku-Fatmir Limaj, po mbahet në burgun e Hagës dhe bashkëluftëtari i tij Komandant Vardari -Taip Mustafai, po mbahet në burgun e Tiranës.

6. Përderisa me nderime të larta shtetërore, si nga pozita ashtu edhe nga opozita shqiptare e Republikës së Shqipërisë, u prit vrasësi i ushtarëve të Shqipërisë në postën ushtarake të Peshkopisë, të Gjirokastrës, (në kohën kur opozita aktuale ishte në pushtet) antishqiptari Nikollas Geixh, nga aeroporti i Rinasit, më 9 mars 2003, u ktheva unë shqiptari dhe Kryetari i Frontit për Bashkim Kombëtar Shqiptar (FBKSH), dhe më 30 Qershor 2003, së bashku me Invalidin e Luftës së Kosovës Taip Mustafain, policia shqiptare edhe na arrestoi edhe po na mban po në atë burg ku vite më parë kishte mbajtur edhe Adem Jasharin, Zahir Pajazitin dhe Luan Hajradinajn. Dhe, ne vend që në burg dhe në këtë gjykatore të sillej vrasësi i ushtarëve të Republikës së Shqipërisë, po burgosemi dhe po gjykohemi ne shqiptarët, që jo vetëm as sa e zeza e thoit, apo as sa një fije floku nuk e kemi dëmtuar Nënën Shqipëri!

Përkundrazi, gjatë aktivitetit tonë atdhetaro- luftarak e kemi ndihmuar dhe mbrojtur Nënën tonë të dashur, për çka dhe jemi dënuar dhe përndjekur nga pushtuesit e kolonizatorët serbo-malazezo-sllavo-maqedonas, si dhe të nxitur nga vullneti i sovranit popull, të sanksionuar edhe në Kushtetutën Republikes së Shqipërisë, punojmë dhe veprojmë që këtë vullnet të shprehur në preambulën e kushtetutës së Republikës së Shqipërisë"
"Me aspiratën shekullore për identitetin dhe Bashkimin Kombëtar... " si dhe amanetin e dëshmorëve të kombit që nga lidhja shqiptare e Prizrenit e deri më sot, ta bëjmë realitet dhe Shqipërinë ta ribashkojmë dhe ta bëjmë të fortë, të zhvilluar, të përparuar dhe sovrane, ashtu siç e deshën dhe për çka luftuan, derdhën gjakun dhe flijuan edhe me të shtrenjtën, jetën e tyre, dëshmorët e kombit Shqiptar ndër shekuj.

Zonja dhe Zotërinj!

Besoj që jo vetëm Ju, por edhe mbarë opinionit tonë kombëtar në të gjitha hapsirat shqiptare të Shqipërisë Etnike dhe në diasporën shqiptare, si dhe opinionit ndërkombëtar i'u intereson se kush është dhe çka është Fronti për Bashkim Kombëtar Shqiptar (FBKSH), prandaj më lejoni që shkurtimisht t'iu them si më poshtë vijon:

1) Fronti për Bashkim Kombëtar Shqiptar (FBKSH) është bashkim forcash politike, shoqatash joqeveritare, intelektualësh atdhetare dhe i masave të gjera popullore pa dallim krahine, feje ideje dhe përkatësi partiake, që punojnë, që veprojnë dhe luftojnë, për ribashkimin e trojeve shqiptare dhe të popullit që jeton në këto troje, në një shtet të vetëm kombëtar shqiptar në Ballkan, me emrin Shqipëria e Bashkuar.

2) FBKSH është krijuar më 12 dhe 13 korrik 2002 në Kuvendin Kombëtar të mbajtur në pallatin e Kongreseve të Tiranës, në të cilin kanë marrë pjesë 95 delegatë e delegate nga të gjitha hapsirat shqiptare të Shqipërisë Etnike dhe nga Diaspora Shqiptare, të cilët pasi miratuan Platformën dhe Statutin e FBKSH-së, zgjodhën edhe kryesinë Qendrore (25 anëtarëshe) të FBKSH-së dhe mua Valdet Vardarin më zgjodhën Kryetar të FBKSH-së.

3) FBKSH nuk ka qënë dhe nuk është parti politike dhe me vendim të veçantë, të Sekretariatit Vendimmarrës të Kryesisë Qendrore të FBKSH-së, të 25 nëntorit 2002, e ka të ndaluar që të shndërrohet në parti politike. Pra, FBKSH do të veprojë deri në përmbushjen ë qëllimit të parë dhe të fundit të FBKSH-së, ribashkimit e trojeve shqiptare në një Shqipëri të Bashkuar . Me të arritur këtë qëllim të lartë fisnik, FBKSH do të pushojë aktivitetin e vet dhe të gjithë pjestarët e tij vetë do ta përcaktojnë aktivitetin e tyre të mëtejshëm, kurse partitë politike do të vazhdojnë aktivitetin dhe luftën e tyre politike për pushtetin në Shqipërinë e Bashkuar.

4) FBKSH, nuk është as shoqatë qeveritare apo joqeveritare, sepse shoqatat joqeveritare janë të bashkuara dhe duhet të bashkohen në FBKSH, ngase vetëm në një Shqipëri të Bashkuar këto shoqata jo qeveritare, ashtu si partitë politike, do të ishin në gjendje që me ndershmërinë më të madhe të kryenin misionin e tyre dhe të zhvillonin aktivitetin e tyre, qoftë ky aktivitet human apo aktivitet intelektualo-atdhetar.


5) Në ballë të FBKSH, si dhe në të gjitha strukturat drejtuese të tij, deri në këshillat e lagjeve dhe të fshatrave janë inkuadruar idealistët shqiptarë, atdhetarët e dëshmuar dhe të ridëshmuar edhe gjatë tri betejave të zhvilluara, të cilët ashtu siç janë të bindur që platforma e FBKSH është vazhdimësia e Programit të Lidhjes Shqiptare të Prizrenit, janë të bindur dhe të vendosur që të veprojnë ashtu siç vepruan ideologët dhe drejtuesit e Lidhjes Shqiptare të Prizrenit, të cilët shkrinin pasuritë e tyre për ta bërë Shqipërinë.

6) FBKSH, as nuk ka qënë organizatë ilegale, siç përpiqen që ta paraqesin disa dashakeqës, jo vetëm të FBKSH-së, por edhe të Bashkimit Kombëtar Shqiptar, sepse tanimë publikisht dihet fakti që Kuvendi Kombëtar i FBKSH është mbajtur në një sallë publike të Pallatit të Kongreseve në Tiranë, si dhe Platforma e FBKSH jo vetëm që është vazhdimësia e Programit të Lidhjes Shqiptare të Prizrenit, por vazhdimësia e betimit dhe e amanetit të heronjëve e dëshmorëve të kombit ndër shekuj. Është fakt se, 60% e kësaj Platforme të FBKSH bazohet edhe në Preambulën e Kushtetutës së Republikës së Shqipërisë, në të cilën theksohet aspirata për identitet dhe Bashkimin Kombëtar, kushtetutë kjo që para se ta aprovohej, më 21 tetor 1998, nga Kuvendi Popullor i Republikës së Shqipërisë, si projekt kushtetute u votua dhe mori miratimin e mbi 80% të sovranit popull, të Republikës të Shqipërisë.

7) Në qoftë se gjatë periudhës së aktivitetit të organizatave të fshehta, si dhe pas vitit 1990, kur organizatat dhe partitë politike shqiptare përmes programeve të tyre pretendonin që ta realizonin Bashkimin Kombëtar Shqiptar, dhe nga pas nuk kishin organizuar asnjë krah apo formacion luftarak ,si dhe nga ana tjetër, në qoftë se në kohën kur në skenën shqiptare doli Ushtria Çlirimtare e Kosovës (UÇK), dhe këto organizata e parti politike nuk ishin në gjendje qe të bashkoheshin në një FRONT.., Fronti për Bashkim Kombëtër Shqiptar ka arritur që brenda një periudhe shumë të shkurtër (1 vjeçare), të organizohet në të gjitha hapsirat shqiptare të Shqipërisë Etnike dhe në Diasporën Shqiptare dhe të konsolidojë rreth vetes të gjitha strukturat adekuate me çka premton suksese në rrugën e lavdishme të ribashkimit kombëtar shqiptar.

FBKSH po ta krahasonim me trupin e një njeriu do na jepte këtë pasqyrë:
a) dora e djathë - Armata Kombëtare Shqiptare (AKSH)
b) dora e majtë - Sigurimi Kombëtar Shqiptar (SKSH)
c) këmbët - Fondi Kombëtar Shqiptar (FKSH)
Por, ky trup FBKSH me këto gjymtyrë, AKSH, SKSH dhe FKSH, doemos që e ka edhe kokën dhe në rastin konkret është Kryesi Qendrore e Frontit për Bashkim Kombëtar Shqiptar, në kuadër të së cilës janë edhe kryetarët dhe sekretarët politikë të kryesive të Këshillave të FBKSH-së nga 6 zonat e FBKSH-së, si dhe sekretarët e 12 departamenteve të FBKSH-së.

8) Përderisa gjatë periudhës së 10 vjeçarit të fundit, u mbivlerësua faktori i jashtëm (faktori ndërkombëtar), dhe u nënvlerësua faktori i brendshëm (faktori popull), FBKSH konsideron dhe vendosshmërisht konstaton që, faktori popull është faktori kryesor dhe determinant për zgjidhjen e çështjes madhore kombëtare - ribashkimit kombëtar shqiptar.Prandaj edhe përpiqet që rreth vetes t'i bashkojë të gjitha forcat atdhetaro - luftarake me devizën: "PA BASHKIM POLITIK NUK KA BASHKIM LUFTARAK", si dhe apelon që ribashkimin kombëtar ta bëjmë me shqiptarët dhe për shqiptarët dhe, besojmë që edhe faktori ndërkombëtar shumë shpejt do të vetëdijësohet, se për të patur paqe dhe stabilitet në Europën e Bashkuar, fillimisht kjo paqe dhe ky stabilitet duhet të sigurohet në Ballkanin fuçi baroti, e cila mund të shuhet me krijimin e shteteve etnike në Ballkan.

9) FBKSH, i organizuar pas përfundimit të tri betejave të zhvilluara viteve të fundit në hapsirat shqiptare të Shqipërisë Etnike, është i bindur se përkundër asaj që në aspektin e statusit juridiko-politik nuk kemi arritur asgjë përballë gjithë atij gjaku të derdhur në këto beteja, nga këto beteja kemi arritur që në popull të vritet frika dhe lartë e më larte të ngritet trimëria dhe krenaria kombëtare.

Populli shqiptar dalëngadalë, por shumë i sigurt, po kërkon një rrugë tjetër, rrugën e ribashkimit kombëtar shqiptar. Jo vetëm unë por të gjithë ne, jemi dëshmitarë të kohës se sa me entuziazëm populli ynë e priti dhe e përqafoi pluralizmin politik, por besoj që Ju të gjithë do të pajtoheni me konstatimin tim se, populli ynë tanimë si këtu në Shqipërinë Londineze ashtu edhe në pjesët e saj, në Kosovën historike, në Luginë të Vardarit dhe në Mal të Zi e ka humbur besimin në partitë politike, përderisa nuk po del në zgjedhje, qofshin këto të përgjithshme apo lokale, bile shumë herë megjithë falsifikimet e shumta numri i votuesve nuk po arrin as 40% e zgjedhësve.

10) FBKSH, vjen si domosdoshmëri e kohës edhe për një arsye tjetër.

Pikërisht, në këtë kohë kur në hapsirat shqiptare të Shqipërisë Etnike është hedhur ideja, apo më mirë të them, po riaktualizohet ideja e vjetër e Beogradit dhe e Athinës për krijimin e Konfederatës Ballkanike, e cila popullit shqiptar po i kamuflohet me të ashtuquajturat integrime ballkanike. Pra, aktualisht në hapsirat shqiptare të Shqipërisë Etnike qarkullojnë dy koncepte kryesore:
a) koncepti i parë, koncepti i integrimeve ballkanike, ideologët e të cilit propagandojnë se gjoja për t'u arritur integrimi i Shqipërisë në strukturat Euro- Atlantike fillimisht duhet të bëhet Integrimi Ballkanik, që në fakt është krijimi i Konfederatës Ballkanike në mes Shqipërisë, FYROM-it, Bullgarisë, Serbisë, Malit të Zi, Bosnjës dhe Kroacisë dhe më pas kjo Konfederatë Ballkanike të riintegrohet në Europën e Bashkuar. (Por, këta zotërinj, nuk na thonë se cili do të jetë statusi i Kosovës Protektorat, i Kosovës Lindore (Presheva, Medvegja dhe Bujanoci) i Luginës së Vardarit (Ilirida) dhe i Plavës, Guçisë dhe Ulqinit, si dhe i Çamërisë.)
b) Koncepti i dytë, koncepti i FBKSH-së, i cili vetëm nga emërtimi kuptohet qartë se punon, vepron dhe lufton që fillimisht të bëhet riintegrimi ne vetvete, ribashkimi kombëtar shqiptar dhe më pas vetë sovrani popull përmes formës më demokratike - referendumit popullor do të vendosë për integrimet e mundshme të Shqipërisë së Bashkuar në strukturat dhe organizmat ndërkombëtare.

Zonja dhe Zotërinj!

Përfund me bindjen e patundur se Bashkimin Kombëtar mund ta bëjmë vetëm ne shqiptarët, si dhe me shpresën dhe bindjen e madhe, që 100 vjetorin e Pavarësisë së Shqipërisë do ta festojmë me një Shqipëri të Bashkuar, siç qe shpallur nga Ismail Qemali dhe Isa Boletini me shokë, në Vlorën heroike, më lejoni që tek të gjithë liderët e partive politike shqiptare, tek drejtuesit e shoqatave joqeveritare tek intelektualet atdhetarë, tek rinia heroike e Shqipërisë Etnike dhe tek masat e gjëra popullore, të të gjitha hapsirave shqiptare të Shqpipërisë Etnike dhe të Diasporës Shqiptare, të APELOJ , që bashkarisht të punojmë për ribashkimin kombëtar shqiptar, sepse vetëm të bashkuar mund ta çojmë në vend amanetin e heronjve dhe të dëshmorëve të kombit shqiptar. Gjithashtu, kërkoj të apeloj që të mos pengohet dhe të mos sabotohet Fronti për Bashkim Kombëtar Shqiptar (FBKSH), sepse të gjithë ata që tentojnë që të na pengojnë dhe të na sabotojnë në këtë mision të vështirë por tepër fisnik, duhet ta dinë se po pengojnë dhe po sabotojnë Programin e Lidhjes Shqiptare të Prizrenit, të Lidhjes Shqiptare të Pejës, të Konferencës së Bujanit dhe të Ushtrisë Çlirimtare të Kosovës. Se po sabotojnë dhe po shkelin mbi gjakun dhe amanetin e heronjve dhe dëshmorëve të Kombit Shqiptar ndër shekuj, po shkelin mbi vullnetin e sovranit popull të shprehur përmes refendumit për Projekt Kushtetutën e Republikës së Shqipërisë dhe po shkelin aktin më të lartë juridik -kushtetutën e Republikës së Shqipërerise.
Gjithashtu, po nga kjo gjykatore, dua që të APELOJ tek bashkësia ndërkombëtare, nëse në të vërtet dëshirojnë që njëherë e përgjithmonë në këtë Ballkan, në këte fuçi baroti, të ketë paqe dhe stabilitet të përhershën dhe me këtë rast edhe një Europë të Bashkuar dhe stabile, doemos dhe sa më shpejt të organizohet një Konferencë Ballkanike, në të cilën fillimisht do revidoheshin vendimet e Konferencës së Londrës (1913) dhe popullit shqiptar do t'i njihej e Drejta e Vetëvendosjes, që populli shqiptar i të gjitha krahinave të Shqipërisë Etnike (Shqipërisë Londineze, Kosovës Historike, Luginës së Vardarit, Plavë Gucisë-Ulqinit dhe i Camërisë) përmes referendumit popullor të deklarohej:

1. probashkimit kombëtar apo
2. kundër bashkimit kombëtar.

Nëse, në këtë rast do të ndodhte që, më tepër se 50% e popullit shqiptar në të gjitha hapsirat e Shqipërisë Etnike, të deklarohej kundër ribashkimit kombëtar shqiptar, unë do të thirrja Kuvendin Kombëtar (të jashtëzakonshën të FBKSH) dhe do të shuanim aktivitetin e FBKSH dhe të strukturave të tij AKSH, SKSH dhe FKSH.Në këtë rast, ne nuk do të kishim të drejtën që të dilnim kundër vullnetit të sovranit popull.

Në qoftë se e drejta me demokratike ( e garantuar jo vetëm me kartën e OKB, por edhe me të gjitha konventat ndërkombëtare) e Drejta e Vetëvendosjes nuk i njihet vetëm popullit shqiptar, unë kërkoj që strukturat drejtuese te Bashkësisë Ndërkombëtare, të deklaroheshin publikisht përmes një vendimi të shkruar, të cilin do të duhej që të ma dërgonin mua, që unë përsëri të kisha të drejtë që të thërrisja Kuvendin Kombëtar, të jashtëzakonshëm, të Frontit për Bashkim Kombëtar Shqiptar, në të cilin organ më të lartë të FBKSH do të vendosej se si do të veprohej për të ardhmen.
Pra, Zonja dhe Zotërinj, ne nuk jemi luftënxitës dhe destabilizues të Ballkanit, por përkundrazi ne kërkojmë që Bashkësia Ndërkombëtare njëherë e përgjithmonë, duke përmirësuar gabimin historik të baballarëvë të tyre dhe padrejtësitë historike nëpër konferencat ndërkombëtare, (ndër të cilat është ajo e vitit 1913 e njohur si Konferenca e Londrës, në të cilën Konferencë nga trungu i Shqipërisë u aneksuan më tepër se gjysma e trojeve të saj dhe ju dhuruan shteteve fqinje, pushtuesve dhe kolonizatorëve sllavo-grek), popullit shqiptar t'i njihet e Drejta e Vetëvendosjes, që nënkupton Ribashkimin Kombëtar Shqiptar dhe krijimin e shteteve etnike në Ballkan.

Jemi paqëdashës dhe jemi mëse të bindur që nuk mund të ketë paqe dhe stabilitet në Europën e Bashkuar, në qoftë se kjo paqë nuk sigurohet në Ballkanin fuçi baroti, dhe paqa dhe stabiliteti në Ballkan nuk sigurohet kur Ballkanit i lihet epiteti "fuçi baroti", duke krijuar shtete multietnike të llojit alla ish RSFJ, prishja dhe shkatërrimi i së cilës tanimë u pa se çfarë tragjedish krijoi në Ballkan.

Paqa dhe stabiliteti në Ballkan, në këtë rast edhe në Europë dhe më gjerë, sigurohet dhe garantohet vetëm me shtetet etnike si Shqipëria e Bashkuar, Bullgaria e Bashkuar, etj. Të gjithë ata që po i mbushin burgjet me luftëtarë të lirisë, siç po ndodh në Kosovën Protektorat, në Serbi, dhe në IRJM (FYROM), apo siç është dhe rasti më unikal në historinë botërore, kur çlirimtari Fatmir Limaj me shokë burgoset dhe barazohet me kriminelët Milosheviç me shokë, do të thotë që pas gjithë atyre masakrave më makabre të kryera nga policia dhe ushtria serbe e komanduar, jo vetëm nga krimineli Milosheviç, por nga një aparat dhune dhe presioni gjenocidesk i Serbisë, është një ogur i zi për Shqiptarët dhe për Kosovën në veçanti.

Prandaj, të nderuara Zonja dhe Zotërinj të institucioneve ndërkombëtare, mos e bëni veshin e shurdhët përballë thirrjeve tona të pareshtura. Këtë fillimisht ua kemi bërë me dije, përmes Memorandumit të 21 shtatorit 2002, të cilin jua kemi dërguar në gjuhën angleze dhe në gjuhën shqipe, (për dijeni dhe Republikës së Shqipërisë), që sa më parë në rrugë diplomatike të parandalojmë Luftën Ballkanike me pasoja të paparashikuara jo vetëm për Europën por edhe më gjërë.

Zonja dhe Zotërinj!

Ju mund edhe të më dënoni, sepse kështu po kërkon një shtet akoma i papranuar ndërkombëtarisht me emrin kushtetues, por si krijes artifiaciale, që është dhe mban emrin FYROM. Unë, jo vetëm që jame i bindur, por do të duhej që të gjithë projektuesit dhe zbatuesit e arrestimit, si dhe Ju, që po zhvilloni dhe drejtoni këtë proçes politik dhe këtë farsë gjyqësore, duhet të vetëdijësoheni, se edhe në nenin 8 të Kushtetutës së Shqipërisë thuhet, " Republika e Shqipërisë mbron të drejtat kombëtare të popullit shqiptar që jeton jashtë kufirit shqiptar".

Ju, jo vetëm që nuk duhet të na arrestoni, të na mbani në burg, të na gjykoni dhe të na dënoni, me çka edhe na pengoni që të mos mundemi të japim kontributin tonë modest në rrugën e ribashkim kombëtar shqiptar, por bazuar në preambulën dhe në nenin 8 të Republikës së Shqipërsisë, do të duhej të na ndihmonit në ketë mision të shenjtë dhe tepër fisnik të Frontit për Bashkim Kombëtar Shqiptar (FBKSH).Për këtë, ju obligon libri i shënjtë -Kushtetuta e Republikës së Shqipërisë.

Sa me perket mua, me lejoni që po nga kjo gjykatore të ribetohem : SE PËR ASNJË ÇAST NUK DO TA TRADHËTOJ BETIMIN DHE AMANETIN E DËSHMORËVE DHE SHOKËVE TË IDEALIT TIM, ME TË CILËT PARA 25 VITESH JAM BETUAR. NEËQOFTËSE PLUMBAT E ARMIKUT NUK DO T'I MIRËPRES DUKE BUZEQESHUR, TË GJITHË SHOKËT E IDEALIT PËR BASHKIM KOMBËTAR SHQIPTAR, TË RRESHTUAR NË RRADHËT E FRONTIT PËR BASHKIM KOMBËTAR SHQIPTAR DHE I GJITHË POPULLI SHQIPTAR, LE TË MË GJYKOJNË NË VARR SI TRADHËTAR TË KOMBIT SHQIPTAR.


LAVDI DËSHMORËVË TË KOMBIT!
PAÇA FATIN E TYRE TË NDRITUR!
RROFTË POPULLI SHQIPTAR!
RROFTË SHQIPËRIA E BASHKUAR!


KRYETARI I FRONTIT PËR BASHKIM KOMBËTAR SHQIPTAR,
Mr. GAFURR ADILI

____________________________________________________________________________________________________________________

Demonstrimi i serbëve në Gazimestan të Kosovës shënoi fillimin e realizimit të planit të Ahtisarit ( Koment redaksional i Radios-Kosova e lirë)

Edhe pse serbët nuk e kanë pranuar planin e Ahtisarit, ata po i shfrytëzojnë, mbase edhe po i keqpërdorin të drejtat, që rrjedhin pikërisht nga ky plan.
Demonstrimi e militantizmit serb, antishqiptar, dje në Gazimestan ndodhi faqe forcave të KFOR-it, të policisë ndërkombëtare dhe të SHPK-së. Dhe, nuk mund të ndodhte ndryshe, sepse pakoja e Ahtisarit parasheh që serbët të kenë liri të shprehjes së tyre të pakufishme, sidomos në zonat rreth kishave e manastireve, veçmas në Përmendoren serbe të Betejës së Kosovës, në Gazimestan, afër Prishtinës, ku prijësi serb, Llazar, më 15 qershor të vitit 1389 humbi Betejën, në të cilën prijësi shqiptar, Milush Kopiliqi, theri me hanxhar Sulltan Muratin e Parë.
Gardistët serbë, “carllazarët” e klonuar, erdhën në Kosovë, ashtu sikur edhe kishin paralajmëruar, pa hasur në asnjë pengesë. Ata e shfrynë mllefin dhe urrejtjen e tyre kundër shqiptarëve, orgjizuan duke shpalosur ikonografinë e tyre morbide dhe në esencë antinjerëzore, shpalosen posterët e Milosheviqit para hundëve të policëve të SHPK-së, demonstruan virulencën e tyre barbare dhe kryen të gjitha ceremonitë e parapara, fare papengueshëm.
Në mesin e tyre, përveç prijësve fetarë, pjesëtarëve të formacionit “Car Llazar” ishin edhe dy ministra të Qeverisë dhe zyrtarë të tjerë të lartë të Serbisë. Natyrisht se kishte edhe kriminelë, që kanë vrarë dhe kanë masakruar fëmijë dhe femra shqiptare gjatë luftës.
Demonstrimi nuk kishte të bënte fare me manifestimin fetar, sikur deklaruan anëtarët e Grupit të Unitetit, por kishte të bënte me demonstrimin e politikës aktuale serbe të Tadiqit dhe Koshtunicës, kishte të bënte me ushqimin e mitit të tyre historik, me kujtesën e deformuar dhe me ekskluzivitetin e tyre të çmendur. Demonstrimi i tillë kishte të bënte edhe me kthimin e kriminelëve në vendin e krimit.
Gardistët serbë u panë edhe me uniforma, edhe pse kreu ndërkombëtar në Kosovë ishte zotuar se nuk do të lejonte, as edhe një uniformë të tillë.
Megjithatë kameramanët e “pakujdesshëm” të tri TV-ve fokusuan edhe ndonjë uniformë, ndonjë të sharë të pistë serbe drejtuar policëve të SHPK-së, gjithnjë të durueshëm dhe shumë të matur kundër serbëve, por disa prej tyre trima të çartur, sidomos kur ndërsehen për të rrahur aktivistët e “Vetëvendosjes”.
Serbët e pranishëm, më 28 qershor, në Gazimestan të Kosovës, demonstruan fytyrën e tyre të vërtetë. Mediet e kontrolluara nga UNMIK-u dhe SHPK-ja raportuan se gjithçka ishte zhvilluar qetë, pa incidente dhe krejtësisht në mënyrë paqësore.
Disa medie nuk i dhanë fare rëndësi kësaj orgjie të zezë serbe, sikur kjo të kishte ndodhur në një vend të largët, diku në Alaskë, e jo mu në mes të Kosovës, në periferi të Prishtinës.
AKSH-ja nuk u duk fare për ta penguar marshimin demonstrativ serb, edhe pse përmes komunikatave virtuale në internet kishte paralajmëruar se do të bënte hata, nam e batërdi.
Nuk pati shkrehje kallashësh, nuk pati madje as edhe përpjekje të ndonjë qytetari apo të ndonjë pjesëtari të SHPK-së për ta çjerrë ndonjë poster të Milosheviqit apo të Mladiqit, që i bartnin plot krekosje ithtarët e kriminelëve.
Nuk protestuan as aktivistët e Lëvizjes “Vetëvendosje”.
Nuk morën mundin për ta përcjellë për së afërmi këtë spektakël kobndjellës, as veteranët e luftës, as këta të Prishtinës as ata të Dukagjinit, edhe pse patën thënë se nuk do të lejojnë, që kriminelët serbë të demonstrojnë sërish në Kosovë.
Natyrisht, po supozojmë se nuk kanë qenë të ftuar për të marrë pjesë në orgji, as ministri i kulturës, Haraqia, i cili një vit më parë ka vizituar vendin e supozuar të eshtrave të Sveti Savës, as zëvendës-kryeministri, Lufti Haziri i cili vazhdimisht i “ka mundur” serbët me rezultat 8 me 2 gjatë negociatave në Vjenë, as Ylber Hysa, i cili ua ka bërë tapi mijëra hektarë tokë të Kosovës kishave serbe, dhe i cili proklamon se kishat, manastiret e monumentet serbe qenkan të krejt qytetarëve të Kosovës, e jo vetëm të serbëve, se ato qenkan pasuria jona e vlefshme kombëtare. Në atë pasuri historike të Kosovës, më 28 qershor nuk pat vend as për vetë Ylber Hysën(!)
Orgjia nacional-fashite serbe e afishuar, më 28 qershor 2007, në Gazimestan na bën të kuptojmë edhe më mirë, se “pakoja” e Ahtisarit favorizon skajshmërisht elementin destruktiv serb, se sipas këtij plani vendet të cilat konsiderohen si vende të serbëve, do të jenë zona eksterritoriale, gjithnjë të mbrojtura me polici dhe ushtri, dhe si të tilla do të jenë burime të përhershme të krizave, të urrejtjes dhe destruktivitetit.
Spektakli histerik në Gazimestan ishte mjaft kuptimplotë. Të pranishmit me shpalosjen e ikonografisë së tyre të çoroditur, primitive, dhanë mesazhe të qarta për shqiptarët. Ata, në veprimet e tyre kundër shqiptarëve janë gjithnjë e më të trimëruar, sidomos nga mbështetja e fuqishme që po i jepet politikës hegjemoniste dhe kolonialiste serbe nga kreu i Kremlinit dhe nga disa shtete perëndimore të Evropës, të cilat po e orientojnë “xhandarin” e Ballkanit drejt aventurave të reja, në kohën kur kriza në Irak po përshkallëzohet, ndërsa administrata e Bushit dhe Aleanca Perëndimore nuk po arrijnë të realizojnë synimet e tyre.